Oté kréol
(Baster)

Mizérikord’, mizérikord’ (bis)
Oté kréol, rouv in pé ton zié,
Ton ti péi lé an trinn sanzé,
In zour kan toué va ariv’ isi
Toué s'ra konm in’ étranzé
Ton ti péi, s'ra pi parèy
Ton ti kartié, va fé pitié,
Ton ti kaz an paye, s'ra dan la fimé
Wohoo… oh
Ahaaa… ah
Ouhouou… ouh
Eéhééé… éh
Assé, assé
Assé, gaspi nout péi
La pa bézoin touris’ zorèy, si la tèr
La pa bézoin, bann’ paradèr, si la tèr
Kan nou la bézoin, plantèr réinyoné
Kan nou la bézoin travayèr réinyoné
Wohoo… oh
Ahaaa… ah
Ouhouou… ouh
Eéhééé… éh
Oté kréol, rouv in pé ton zié,
Ton bann’ marmay la pré soufèr
Son’ ti langaz’ sa lé piétiné
In zour, kan toué va rouv’ ton dé zié
Ton dinité s’ra fin’, dan la bou
Wohoo… oh
Ahaaa… ah
Ouhouou… ouh
Eéhééé… éh
Assé, assé
Assé avèk la mizèr
La pa bézoin, sipèrmarshé la rényon
La pa bézoin, volay pétrol la rényon
Oh nou la bézoin, zélévèr réinyoné
Oh nou la bézoin, travayèr réinyoné
Wohoo… oh
Ahaaa… ah
Ouhouou… ouh
Eéhééé… éh