Oté oté bande Réyoné nouvelman arivé la pou met barriyèr otour la kiltir Réyoné.

1- La met baro si volkan. sa pou lèss intel tir é venn zoli foto kart postal la rényion.
2- Azot' désid kan i pésh kapisin nin dann lagon. Marsh dan lagon i tyié koray, mé lo lhuil bronzaz amèr i fé pa léfé si koray. Léss bronzé trankilman.
3- Met pi canot dan la mer kan néna baleine. Léss in model fé zot biness trankil. Approsh pa tro paské va fé kour lo bann' baleine.
4- Pou trap dé trwa kamaron la rivèr ifo péy in permi
5- Tang ifo atann i donn lotorisasion pou alé rodé. Konm si nou té koné pa néna in sézon.
6- Papa lo Maire via préfé va di amwin kansa mi poura mont' dan Léo, paské nout' lé makot. Ma di aou in zafer : hein Alala dé ti bwa...
7- Lo préfé ifé tyié tout kashon maron. Lo golwa i vé pi manz sanglier.
8- In lwa pou tiyé rokin, pou bann' touranzé i vyin la Rényion pou naz trankil. Akoz pa in lwa pou ilimin' tout rokin si la ter Réyoné pou tyié lo réyoné pa ti feu.
9- Pi lo drwa fé in feu kan si la plaz mon péi, pou kontann bann touranzé. Kontann soloman domoune i ariv' oubli sa léla.
10- Mwin la pi lo drwa élèv' in zanimo dan mon kour. Ifo déklaré
Ousanouva, zikakan...